بەپێی ئەو زانیارییانەی بە ڕێکخراوی مافی مرۆڤی هانا گەیشتوون، ئەیوب حەمزە، هاووڵاتیی خەڵکی پیرانشار، ڕۆژی سێشەممە ٢٠ی گەلاوێژی ١٤٠٥ی هەتاوی، لەلایەن هێزە ئەمنییەکانەوە دەستبەسەر و بۆ شوێنێکی نادیار گواستراوەتەوە.
دوای تێپەڕبوونی زیاتر لە دە ڕۆژ بەسەر دەستبەسەرکرانی ئەم هاووڵاتییەدا، هێشتا هیچ زانیارییەک لەسەر شوێنی ڕاگرتن و بارودۆخی ناوبراو لەبەردەستدا نییە و بەدواداچوونەکان بۆ ئاگاداربوون لە چارەنووسی تا ئێستا بێئەنجام ماونەتەوە.
تا کاتی بڵاوکردنەوەی ئەم ڕاپۆرتە، نە ئەو ناوەندەی کە دەستبەسەری کردووە و نە هۆکار و تۆمەتە ئەگەرییەکانی دژی ئەیوب حەمزە ئاشکرا نەکراون.
بەردەوامیی بێئاگایی لە دۆخ و شوێنی ڕاگرتنی، نیگەرانیی بنەماڵە و کەسە نزیکەکانی ناوبراوی لێ کەوتووەتەوە.