هانا: رۆژی شەممە ٢٣ی ڕەزبەری ١٤٠١، هونەرمەندی ناسراوی کورد عەزیز وەیسی خەڵکی جوانڕۆ دوای ئەوەی لەلایەن لقی ١٦ی دادگای کرماشانەوە بانگ کرابوو، لەلایەن هێزە ئەمنییەکانەوە دەستبەسەر کراوە.
بەپێی ئەم راپۆرتە، عەزیز وەیسی لە سەر ئەوەی گرتە ڤیدیویەکی بۆ هاودەردی لەگەڵ بنەماڵەی گیانبەختکردووانی خۆپیشاندانەکانی کوردستان و ئێران بڵاوکردبۆوە دەستبەسەر کراوە.
شایانی باسە، سەهەند وەیسی کوڕی ئەم هونەرمەندە، لە ئینستاگرامی خۆی بە دانانی گرتە ڤیدیۆیەک رایگەیاندووە باوکی دەستبەسەرکراوە.