هانا: بەپێی راپۆرتی هاوکارانی رێکخراوی مافی مرۆڤی هانا، شەوی شەممە ٩ی رەزبەری ١٤٠١، سێ شارۆمەندی کورد بە ناوەکانی جەلال محەممەدیان، ئیدریس محەممەدیان خێزاندار و باوکی دوو منداڵ و هەروەها هیوا داربەرزین خەڵکی مەریوان لە پێوەند لەگەڵ خۆپیشاندان و نارەزایەتییەکاندا لەلایەن هێزە چەکدار و ئەمنییەکانی حکومەتی ئیسلامی ئێرانەوە دەستبەسەر کراون.
شایانی باسە، لە خۆپیشاندانی جەماوەریدا جەلال محەممەدیان بە قورسی بریندار بووە و هێزە ئەمنییەکان بە برینداری گرتوویانە.