ڕێکخراوی مافی مرۆڤی هانا زانیویەتی کە «تارا داوودی» و «کیمیا داوودی»، دوو خوشکی دەستبەسەرکراو لە ڕەوتی خۆپێشاندانە سەرانسەرییەکانی ١٤٠٤، لەلایەن لقی ١٥ی دادگای شۆڕشی تارانەوە بە سەرجەم ١٦ ساڵ زیندانی مەحکووم کراون.
بەپێی زانیارییە بەدەستگەیشتووەکان، تارا داوودی، خوێندکاری پێشووی ڕشتەی نەخشەبەرداری لە زانکۆی ئەسفەهان و کیمیا داوودی، خوێندکاری پێشووی ڕشتەی یاسا لە زانکۆی ڕازی کرماشان، لە ڕێکەوتی ٢٤ی بەفرانباری ١٤٠٤ لە تاران دەستبەسەر کراون و ئێستا لە بەشی ژنانی بەندیخانەی ئەوین ڕاگیراون.
بەپێی حوکمی دەرکراو لەلایەن لقی ١٥ی دادگای شۆڕشی تارانەوە بە سەرۆکایەتی دادوەر ئەبولقاسم سەڵەواتی، کیمیا داوودی بە تۆمەتگەلێکی وەک «پەیوەندی لەگەڵ گرووپ و تۆڕە نەیارەکان» و «کۆبوونەوە و تەسانی دژی ئاسایشی وڵات» بە ١٠ ساڵ زیندانی مەحکووم کراوە.
هەروەها تارا داوودی-ش بە تۆمەتگەلێکی وەک «کۆبوونەوە و تەسانی دژی ئاسایشی وڵات» و «پرۆپاگەندە دژی کۆماری ئیسلامی» بە ٦ ساڵ زیندانی مەحکووم کراوە.