هانا: بەپێی راپۆرتی هاوکارانی رێکخراوی مافی مرۆڤی هانا، سەرەڕای تێپەڕبوونی ٥ رۆژ لە دەستبەسەرکرانی شارۆمەندێکی خەڵکی ئاوایی “نێ” لە ناوچەی مەریوان بە ناوی “ستار ئەرژەنگی” زانیارییەک لە سەر بارودۆخی ناوبراو لەبەردەستدا نییە.
ستار ئەرژەنگی لە خاڵی سنووری باشماغ خەریکی کرێکاری بووە و رۆژی پێنجشەممە ٦ی گەلاوێژی ١٤٠١ – (٢٨ی ژولای ٢٠٢٢) لەلایەن هێزە ئەمنییەکانی حکومەتەوە دەستبەسەر کراوە و سەرەڕای بەدواداچوونی بنەماڵەکەی هیچ زانیارییەک لە سەر چارەنووسی ناوبراو لەبەردەستدا نییە.
شایانی باسە، ستار ئەرژەنگی لە رابردووشدا پێشینەی بەندکرانی لەلایەن هێزە ئەمنییەکانی حکومەتەوە بووە.