هانا: شەوی رابردوو ٢٤ی گوڵانی ١٤٠٠ – (١٤ی مەی ٢٠٢١)، جوتیارێکی تەمەن ٦٠ ساڵ لە گوندی “جلقران”ی ورمێ لە کاتی کار کردن بە دەزگای گاردان گیانی لەدەستدا.
"کەریم مووسا هەشتیانی" جوتیاری خەڵکی ناوچەی سۆماوبرادۆستی ورمێ لە کاتی پژاندنی دەرمان بە کشتوکاڵدا بریندار بوو. ناوبراو رەوانەی نەخۆشخانەی "خومەینی" لە ورمێ کرا بەڵام بەداخەوە بە هۆی کاریی بوونی برینەکانی گیانی لەدەستدا.
ستاندارد نەبوونی کەرەسە و کەلوپەلی کشتوکاڵ و نەبوونی ئەمنیەتی کار لە هۆکارە سەرەکییەکانی گیانلەدەستدانی کرێکاران و وەرزێڕانە لە ئێران.