بەپێی ئەو ڕاپۆرتانەی گەیشتوونەتە ڕێکخراوی مافی مرۆڤی هانا، ڕۆژی شەممە ٢ی جۆزەردانی ١٤٠٥ی هەتاوی، هاووڵاتییەک بە ناوی «زەهرا محەمەدوەلی» تەمەن ٢٧ ساڵ، خەڵکی شارستانی ئاودانان و دانیشتووی دەھلۆران، لەلایەن هێزە ئەمنییەکانەوە دەستبەسەر کراوە و بۆ شوێنێکی نادیار ڕاگوێزراوە.
بەپێی زانیارییە سەرەتاییەکان، دەستبەسەرکردنی خانم محەمەدوەلی بەبێ پێشکەشکردنی هیچ جۆرە بڕیارێکی دادوەری لەلایەن هێزە ئەمنییەکانەوە ئەنجامدراوە.
شایانی باسە، تا کاتی بڵاوبوونەوەی ئەم ڕاپۆرتە، هیچ زانیارییەک لەسەر هۆکارەکانی دەستبەسەرکردن، لایەنی دەستبەسەرکار و ئەو تۆمەتانەی ئاڕاستەی ئەم هاووڵاتییە کراون، لەبەردەستدا نییە.