بەپێی زانیارییەکانی ڕێکخراوی مافی مرۆڤی هانا، فەرزین خەدیریپور، ٢٦ ساڵە، خەڵکی مەهاباد، ڕۆژی سێشەممە ٢٧ی گەلاوێژی ١٤٠٥، لە شوێنی کارەکەی لەلایەن هێزە ئەمنییەکانەوە دەستبەسەر و بۆ شوێنێکی نادیار گواستراوەتەوە. بەپێی زانیارییەکان، ئەم دەستبەسەرکردنە بێ بەڵگە و بڕیاری دادگا ئەنجام دراوە.
لە کاتی دەستبەسەر بوونی تا ئێستا، فەرزین خەدیریپور لە دەستگەیشتن بە پارێزەر و پەیوەندی و دیدار لەگەڵ بنەماڵەکەی بێبەش کراوە و هیچ زانیارییەک دەربارەی شوێنی راگرتن و دۆخی یاسایی ئەو بەردەست نییە. هەروەها تا کاتی بڵاوکردنەوەی ئەم ڕاپۆرتە، دەزگای بەرپرسی دەستبەسەرکردن، هۆکارو تۆمەتی دەستبەسەرکردن ڕوون نەکراوەتەوە.