بەپێی ڕاپۆرتە گەیشتووەکان بە ڕێکخراوی مافی مرۆڤی هانا، ڕۆژی چوارشەممە ٢ی بانەمەڕی ١٤٠٥، بێهرووز هیمەتی، تەمەن ٤٢ ساڵ، خەڵکی شارستانی ئاودانان و یەکێک لە کارمەندانی نەخۆشخانەی «ڕەسوولی ئەکرەم» لەو شارە، لەلایەن هێزە ئەمنییەکانەوە دەستبەسەر کراوە.
بەپێی زانیارییەکانی سەرچاوەکانی هانا، بەڕێز هیمەتی دوای دەستبەسەرکردنی بۆ بەندیخانەی ماپارە لە شارستانی دەرەشار گواستراوەتەوە.
تا کاتی ئامادەکردنی ئەم ڕاپۆرتە، زانیارییەکی ورد دەربارەی هۆکارەکانی دەستبەسەرکردن و بارودۆخی یاسایی ناوبراو لەبەردەستدا نییە.
شایانی باسە، دەستبەسەرکردنی هاووڵاتییان بەبێ پێدانی ڕوونکردنەوەی شەفاف دەربارەی تۆمەتەکان و هەروەها بێبەشکردن لە مافی دەستڕاگەیشتن بە پارێزەر، بە نموونەی پێشێلکردنی مافە بنەڕەتییەکانی هاووڵاتییان ئەژمار دەکرێت.
ڕێکخراوی مافی مرۆڤی هانا هەمیشە جەخت لەسەر پێویستی ڕەچاوکردنی بنەماکانی دادگاییکردنی دادپەروەرانە، لەوانە زانیاریگەیاندنی ڕوون، دەستڕاگەیشتن بە پارێزەر و پاراستنی کەرامەتی مرۆیی دەستبەسەرکراوان دەکاتەوە.