بەپێی ڕاپۆرتی گەیشتوو بە ڕێکخراوی مافی مرۆڤی هانا، ئەحمەد ئەبست، کرێکارێکی خەڵکی گوندی «دەرەناخی» سەر بە سەوڵاوا، ڕۆژی دووشەممە ٢٣ی خەرمانانی ١٤٠٥، دوای ١٥ ڕۆژ، بەهۆی کەوتنەخوارەوە لە بەرزایی و قووڵی برینەکانی لە نەخۆشخانەیەکی سنە گیانی لەدەستدا.
بەپێی زانیارییەکان، ئەم کرێکارە دوو هەفتە لەمەوبەر، لە کاتی کارکردن لەسەر داربەست کەوتۆتە خوارێ و بریندار بووە و بۆ نەخۆشخانە گواستراوەتەوە و لەبەر خراپی دۆخی جەستەییەوە لە بەشی چاودێریی تایبەت (ICU) راگیراوە، بەڵام سەرەڕای هەوڵ و چارەسەری پزیشکی،ڕۆژی دووشەممە گیانی لەدەستدا.
ئەحمەد ئەبست خێزاندار و باوکی منداڵێکی بچووک بوو.
تا کاتی بڵاوکردنەوەی ئەم ڕاپۆرتە، وردەکاریی زیاتر دەربارەی شوێنی ڕووداوەکە، بارودۆخی سەلامەتی شوێنی کار و کەرەستەی پارێزگاریی بەردەست بۆ ئەم کرێکارە بڵاونەکراوەتەوە؛ بۆیە هۆکاری وردی ڕووداوەکە و ئاستی پابەندبوون بە ستانداردەکانی سەلامەتی لە شوێنی کار پێویستی بە لێکۆڵینەوەی زیاتر هەیە.
ڕووداوەکانی پەیوەندیدار بە کار، بە تایبەتی کەوتنەخوارەوە لە بەرزایی، جارێکی دیکە پێویستی بە دابینکردنی کەرەستە پارێزگاریی، پابەندبوون بە ڕێساکانی سەلامەتی و چاودێریی کاریگەر لەسەر کارگەکان دەخاتە ڕوو.
دابینکردنی سەلامەتی کار و پێشگرتن لە ڕووداوە کان ، یەکێکە لە بەرپرسیارێتییە سەرەکییەکانی خاوەنکار و دەزگا بەرپرسیارەکان لە بواری سەلامەتی و پاراستنی هێزی کار.