هانا؛ دووشەممە ١٨ی جۆزەردانی ١٤٠٥، هاووڵاتییەک بە ناوی “وەهاب حوسێنزادە” خەڵکی مەهاباد، دوای ٨١ ڕۆژ دەستبەسەرکران، بە دانانی بارمتەی قورسی ١٠ ملیار تمەنی بە شێوەی کاتی لە بەندیخانەی مەهاباد ئازاد کرا.
بەپێی زانیارییەکانی ڕێکخراوی مافی مرۆڤی هانا، بەڕێز حوسێنزادە دوای کۆتاییهاتنی قۆناغەکانی لێپێچینەوە، لە یەکێک لە دەستبەسەرگە ئەمنییەکانەوە بۆ بەندیخانەی مەهاباد گوازرابووەوە. ئەم هاووڵاتییە لە ماوەی دەستبەسەرکرانیدا لە مافی دەستڕاگەیشتن بە پارێزەری دڵخوازی خۆی و هەروەها چاوپێکەوتن لەگەڵ بنەماڵەکەیدا بێبەش کرابوو.
وەهاب حوسێنزادە بەرەبەیانی ڕۆژی هەینی ٢٩ی ڕەشەمەی ١٤٠٤، لەلایەن هێزە ئەمنییەکانەوە و بەبێ پێشکەشکردنی بڕیاری دادوەری لە مەهاباد دەستبەسەر و بۆ شوێنێکی نادیار گوازرابووەوە.
تا کاتی بڵاوبوونەوەی ئەم هەواڵە، چەکەرە و زانیارییەکی ورد لەسەر هۆکارەکانی دەستبەسەرکران و ئەو تۆمەتانەی ئاڕاستەی ئەم هاووڵاتییە کوردە کراون، لەبەر دەستدا نییە.