بە پێی ڕاپۆرتی ڕێکخراوی مافی مرۆڤی هانا مامەند خودادادی خەڵکی نەغەدە زیاتر لە هەفتەیەکە دەستبەسەر و بۆ شوێنێکی نادیار گۆاستراوەتەوە و تا ئێستا هۆکاری دەستبەسەربوون ، باری تەندرووستی و چارەنووسی نادیارە .
بە پێی زانییاریەکان ناوبراو بێ بەڵگەی یاسایی لە لایەن هێزە ئەمنیەکانەوە دەستبەسەر و بۆ شوێنێکی نادیار گواستراوەتەوە ، ئەوە لە حاڵێکدایە تەنانەت بە یاسای کۆماری ئیسلامی ئەوە کارە نایاساییە .
بەپێی ئەسڵی ٢٥ی یاسای بنەڕەتی کۆماری ئیسلامی بێ بەڵگەی یاسایی و بڕیاری دادگا کەس نابێ دەستبەسەر بکرێ،و هاوکات لە گەڵ دەستبەسەر کردن دەبێ هۆکاری دەسبەسەرکردن بە کەسەکە ڕابگەێندرێ .
هەروەها بە پێی ڕێوشوێنی سزادانی دادگا ،مافی ئاگادار کردنەوەی بنەماڵە، مافی دەستگێشتن بە پارێزەر و ئەرکی دەسەڵاتدارانی دادوەری بۆ تێگەیاندنی مافەکانی کەسی لە ژێر چاودێری دا بە فەرمی ناسێندراوە.
هانا ڕادەگەیەنێت ئەم جۆرە هەڵسوکەوتە تاوانبارانە لە لایەن هێزە ئەمنیەکانەوە نموونەیەکی دەستبەسەرکردنی سەرەڕۆێانەیە.