بە پێی ڕاپۆرتی ڕێکخراوی مافی مرۆڤی هانا: لە چەند ڕۆژی ڕابردوودا شارۆمەندێکی کورد بە ناوی “سەید حوسێن (زانکۆ) محەمەدی” خەڵکی ئاوایی “ئالی کەند”ی سەر بە شاری بۆکان بە یەک ساڵ بەندکران سزا دراوە.
هانا زانیویەتی کە ناوبراو لە لایەن دادگای پێداچوونەوەی ورمێ بە تۆمەتی “هاوکاری لەگەڵ یەکێک لە حزبە کوردستانیەکانی ئۆپۆزسیۆنی حکومەتی ئێران” بە یەک ساڵ بەندکران سزا دراوە.
زانکۆ محەمەدی پێشتر لە لایەن لقی ١٠١ی دادگای تاوانەکانی شاری بوکان بە سەرۆکایەتی دادوەر “وەلایی” بە تۆمەتی هاوکاری لەگەڵ یەکێک لە “حیزبە کوردستانیەکانی ئۆپۆزۆسیۆنی حکومەتی ئێران” بە یەک ساڵ بەندکران سزا درابوو و ئەم حوکمەش لە مانگی خەزەڵوەری ساڵی ١٤٠٤ لە لایەن دادگای پێداچوونەوەی ورمێ پشتڕاستکرایەوە.
شایانی باسە بەڕێز محەمەدی لە بەرەبەیانی ڕۆژی هەینی ١٠ی گەلاوێژی ١٤٠٤ لە لایەن هێزە ئەمنییەکانەوە دەستبەسەر و دواتر بە مەبەستی لێپرسینەوە بۆ یەکێک لە گرتووخانە ئەمنییەکانی شاری ورمێ گوازرایەوە و لە کۆتایدا لە رێکەوتی ۲٥ی گەلاوێژی ١٤٠٤ بە دانانی بارمتە لە بەندیخانە ئازاد کرابوو.