هانا؛ سەرلەبەیانی ئەمڕۆ دووشەممە” ٢٠ی فێوریەی ٢٠٢٣، کەسایەتیەکی ئایینی کورد بە ناوی مامۆستا عەلی پورمەند، ئیمامی مزگەوتی سەید عەبدوڵڵا کەمالی نەغەدە بانگهێشتی ئیدارەی ئیتلاعاتی ئەم شارە کرا.
بەپێی هەواڵی گەیشتوو بە ڕێکخراوی مافی مرۆڤی هانا، ئەم کەسایەتیە ئایینییە کوردە بە هۆی ڕەخنەگرتن لە حکوومەت و پشتیوانی لە ناڕەزایەتییە سەرتاسەرییەکان بانگهێشتی ئیدارەی ئیتلاعاتی نەغەدە کرا و دوای چەند کاتژمێر لێپرسینەوە بە شێوەیەکی کاتی ئازاد کرا.