هانا: رۆژی یەکشەممە ٥ی پووشپەڕی ١٤٠١ – (٢٦ی ژوئەنی ٢٠٢٢)، “نادر بایەزیدی ئازەر” تەمەن ٣٠ ساڵ و خەڵکی ئاوایی “لەج” لە ناوچەی مهاباد لەلایەن هێزە چەکدار و ئەمنییەکانی حکومەتی ئیسلامی ئیرانەوە دەستبەسەر و بۆ شوێنێکی نادیار رەوانە کراوە.
بەپێی راپۆرتی هاوکارانی هانا، هێزە ئەمنییەکانی حکومەت بە بێ لەدەستدابوونی بەڵگەی یاسایی لە بازگەی میاندواو – مهاباد دەستبەسەر کردووە.
تا کاتی ئامادە کردنی ئەم راپۆرتە، هیچ زانیارییەک لە سەر هۆکاری دەستبەسەرکران و تۆمەتگەلێک کە دراوەتە پاڵ نادر بایەزیدی ئازەر لەبەردەستدا نییە.