بەپێی راپۆرتی هاوکارانی هانا، ئەمڕۆ دووشەممە ٢٩ی سەرماوەزی ١٤٠٠ – (٢٠ی دیسەمبری ٢٠٢١)، کرێکارێک لە شوێنی کارەکەی بە هۆی تەزووی کارەباوە گیانی لەدەستداوە.
ناسنامەی ئەم شارۆمەندە "ئێحسان خوسرەوی" خەڵکی سەوڵاوا راگەیەندراوە. بەپێی ئەم راپۆرتە ناوبراو لە کاتی کار کردندا لە بینایەک لە "رانیە"ی هەرێمی کوردستانی عێڕاق بە هۆی تەزووی کارەبا لە بیناکەوە بەربۆتەخوارەوە و لە ئاکامدا گیانی لەدەستداوە.