ڕێکخراوی مافی مرۆڤی هانا ئاگادارکراوەتەوە کە ڕۆژی سێشەممە ٢٨ی ڕەزبەری ١٤٠٥ ئەحمەد بەیگی، هاووڵاتیی تەمەن ١٨ ساڵی خەڵکی سەراوڵە لە پارێزگای ئیلام،لەلایەن هێزەکانی ئیتلاعاتی سوپای پاسدارانەوە دەستبەسەر و بۆ شوێنێکی نادیار ڕاگوێزراوە.
سەرەڕای تێپەڕبوونی چواردە ڕۆژ بەسەر کاتی دەستبەسەرکردنی،بنەماڵەی ئەحمەد بەیگی هێشتا لە شوێنی ڕاگرتن و دۆخی ناوبراو بێ ئاگان.هەروەها ئەم هاووڵاتییە لە مافی دەستگەیشتن بە پارێزەر، پەیوەندی تەلەفونی و چاوپێکەوتن لەگەڵ بنەماڵەکەی بێبەش کراوە.
شایانی باسە،تا کاتی بڵاوبوونەوەی ئەم ڕاپۆرتە هیچ زانیارییەک لەسەر هۆکارەکانی دەستبەسەرکردن و ئەو تۆمەتانەی ئاراستەی ئەم هاووڵاتییە کراون،لەبەردەستدا نییە.