بەپێی ئەو زانیارییانەی گەیشتوونەتە دەستی ڕێکخراوی مافی مرۆڤی هانا (جەمیل ئەحمەدی) چالاکی مەدەنی، وەرزشکار و ڕاهێنەری ڕشتەی کۆنگفۆ و خەڵکی شاری سنە،لەلایەن لقی دووهەمی دادگای شۆڕشی ئەم شارە بە سەرۆکایەتی دادوەر مێهران ڕەمەزانی بە ساڵێک زیندانی تەعزیری مەحکووم کراوە.
ئەم حوکمە لە پێوەندی لەگەڵ ڕاگەییشتن بە دۆسیەی دادوەریی ناوبراو و بە تۆمەتی (پڕوپاگەندە دژی نیزام) دەرچووە.
شایانی باسە جەمیل ئەحمەدی لە ساڵانی ڕابردووشدا بەهۆی چالاکییە مەدەنییەکانیەوە چەندین جار بۆ ناوەندە ئەمنییەکان بانگ کراوە و لێکۆڵینەوە و دۆسیەی دادوەریی بۆ کراوە.