ڕێکخراوی مافی مرۆڤی هانا ئاگادار کراوەتەوە کە ئاریا نوورانی، مامۆستای پەروەردە و هاووڵاتیی کوردی خەڵکی شارستانی مانە لە پارێزگای خۆراسانی باکوور، لەلایەن دەزگای دادی کۆماری ئیسلامیی ئێرانەوە حوکمی ١٤ مانگ بەندکردنی تەعزیریی بەسەردا سەپاوە.
بەپێی زانیارییە وەرگیراوەکان، ئەم حوکمە لەم ڕۆژانەی دواییدا لەلایەن دەسەڵاتە دادوەرییەکانی پارێزگای خۆراسانی باکوورەوە بە ناوبراو ڕاگەیەندراوە. لە ڕاگەیەندراوە دەرچووەکەدا، بەبێ پێشکەشکردنی هیچ جۆرە ڕوونکردنەوەیەک سەبارەت بە ناونیشانی تۆمەتەکان، بەڵگەنامەکانی دۆسیەکە، ماددە یاساییە بەکارهاتووەکان یان هۆکارەکانی دەرکردنی بڕیارەکە، تەنیا مەحکوومبوونی ئەم هاووڵاتییە بە کێشانی ١٤ مانگ بەندکردنی تەعزیری نووسراوە.
ئاریا نوورانی پێشتر لە کاتی خۆپێشاندانە سەرانسەرییەکانی بەفرانباری ١٤٠٤دا لەلایەن هێزە ئەمنییەکانەوە لە شارستانی مانە دەستبەسەر کرابوو و بۆ تێپەڕاندنی قۆناغەکانی لێپێچینەوە گوازرابووەوە بۆ یەکێک لە دەستبەسەرگە ئەمنییەکان. ناوبراو دوای نزیکەی دوو هەفتە دەستبەسەرکردن، بە دانانی بارمتەیەکی قورس، تا کۆتاییهاتنی قۆناغەکانی دادگاییکردن بە شێوەیەکی کاتی لە بەندیخانە ئازاد کرا.
شایانی باسە، ئاریا نوورانی پێش دەستبەسەرکرانی، وەک مامۆستای فەرمیی قۆناغی سەرەتایی لە بەڕێوەبەرایەتیی پەروەردەی شارستانی مانەدا خەریکی چالاکی بووە.