ڕێکخراوی مافی مرۆڤی هانا ئاگادار کراوەتەوە کە ڕۆژی سێشەممە، ٢٨ی ڕەزبەری ١٤٠٥ ئەحمەد نەجەف نیا، هاووڵاتیی خەڵکی لۆمار سەر بە پارێزگای ئیلام، لەلایەن هێزەکانی ئیدارەی ئیتلاعاتەوە دەستبەسەر کراوە و بۆ شوێنێکی نادیار ڕاگواستراوە.
بە گوێرەی زانیارییەکانی هانا، دەستبەسەرکردنی ئەحمەد نەجەف نیا لە ڕێگەی هێرشی هێزەکانی ئیدارەی ئیتلاعات بۆ سەر شوێنی کارەکەی و بە شێوەی سەرەڕۆیانە ئەنجام دراوە.
شایانی باسە، سەرەڕای تێپەڕبوونی شەش ڕۆژ بەسەر کاتی دەستبەسەرکردنی ئەم هاووڵاتییەدا،هیچ زانیارییەک لەسەر هۆکارەکانی دەستبەسەرکران و ئەو تۆمەتانەی خراونەتە پاڵی لە بەردەستدا نییە و ناوبراو هێشتا لە مافی دەستگەیشتن بە پارێزەر، پەیوەندیی تەلەفونی و چاوپێکەوتن لەگەڵ بنەماڵەکەی بێبەش کراوە.