رێکخراوی مافی مرۆڤی هانا ئاگادار کراوەتەوە کە ئێوارەی ڕۆژی یەکشەممە ٢٣ی سەرماوەزی ١٤٠٤ (١٤ی دیسامبری ٢٠٢٥) ئومید باقری تەمەن ٣٧ ساڵ، وێنەگر، چالاکوانی مەدەنی و ژینگەپارێزی، خەڵکی شابادی سەر بە پارێزگای کرماشان، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
بە گوتەی سەرچاوەکانی هانا، ناوبراو لە ڕێگای کرماشان-پاوە بە شێوەی سەرەڕۆیانە لە لایەن هێزێکی ئەمنیەوە دەستبەسەر کراوە و تا ئێستا هیچ زانیاریەک لە سەر چارەنوس و شوێنی ڕاگیرانی لە بەردەستدا نیە.
شایانی باسە، ئومید باقری پێشتریش بە هۆی بەشداری لە ڕێورەسمەکانی نەورۆزی ١٤٠٣، و وێنە گرتن لە بۆنە کولتووریەکان دەستبەسەر کرابوو.