بە پێی زانیاریەکانی رێکخراوی مافی مرۆڤی هانا: ئاریان روستەمی، خەڵکی سەپێڵی زەهاوی کرماشان، لە لایەن لقی یەکەمی دادگای شۆڕشی قەسرشیرین بە سەرۆکایەتی قازی”نەریمان شەفیعی” سزای پێنج ساڵ بەندکرانی تەعزیری بە سەردا سەپێندراوە.
بە گوێرەی زانیاری سەرچاوەکانی هانا؛ دادگا بۆ دەرکردنی سزا لە دژی ئەم شارۆمەندە پشتی بە ڕاپۆرتی ئیتڵاعاتی سوپای قەسرشیرین بەستووە.
ئەم بڕیارە لە رێکەوتی ١٥ی خەرمانانی ١٤٠٤، بەم شارۆمەندە ڕاگەینراوە و بە پێی بڕیارەکە لە ماوەی ٢٠ ڕۆژدا دەتوانێت لە دادگای تێهەڵچوونەوەی پارێزگای کرماشاندا داوای پێداچوونەوە بە بڕیارەکەدا بکات.
شایانی باسە ئاریان روستەمی پێشتر ئەندامی حزبێکی کوردستانی ئۆپۆزۆسیۆنی حکومەتی ئێران بووە کە ماوەیەک لەمەوبەر گەڕاوەتەوە بۆ ئێران.