دەڕەشار،دەستبەسەرکردنی محەممەد ئەولاد هاوکات لەگەڵ لێدان و ئەشکەنجەی توند و شکاندنی هەردوو قاچی لەلایەن هێزە ئەمنییەکانەوە

بەپێی ڕاپۆرتە گەیشتووەکان بە ڕێکخراوی مافی مرۆڤی هانا،ئێوارەی ڕۆژی شەممە ٢٨ی خەزەڵوەری ١٤٠٥،محەممەد ئەولاد،هاوڵاتی ناڕازی خەڵکی دەڕەشاری سەر بە پارێزگای ئیلام، لەلایەن هێزە ئەمنییەکانەوە دەستبەسەر کراوە و بۆ شوێنێکی نادیار گواستراوەتەوە.

بەگوێرەی زانیارییەکانی هانا، ناوبراو لە کاتی دەستبەسەرکردنیدا بە توندی لێی دراوە و لە ئەنجامی ئەو توندوتیژییەدا هەردوو قاچی شکاون.تا کاتی ئامادەکردن و بڵاوکردنەوەی ئەم ڕاپۆرتە، هیچ زانیارییەکی ورد سەبارەت بە دۆخی جەستەیی و تەندروستیی محەممەد ئەولاد و شوێنی ڕاگرتنی لەبەردەستدا نییە.

بێ خەبەری لە چارەنووسی ئەم هاوڵاتییە بووەتە هۆی زیادبوونی نیگەرانی بنەماڵەکەی سەبارەت بە سڵامەتی و پاراستنی گیانی ناوبراو.

ڕێکخراوی مافی مرۆڤی هانا نیگەرانی قووڵی لە سەر دۆخی جەستەیی و تەندروستی محەممەد ئەولاد دەردەبڕێت و داوا دەکات شوێنی ڕاگرتنی ئاشکرا بکرێت،دەستبەجێ دەستی بە خزمەتگوزارییە پزیشکییەکان بگات و مافە یاسایی و مرۆییەکانی ڕەچاو بکرێن.

زۆرتر لەسەر ئەم بابەتە

بە نەرخترین