هانا زانیویەتی کە لە چەند مانگی ڕابردوودا، لە بەرەبەیانی ١٣ی گەلاوێژی ١٤٠٤، هێزەکانی ئیدارەی ئیتلاعاتی دەماوەند، لە ئۆپراسیۆنێکی بەرفراوان و هەماهەنگدا، لە نێوان کاژێر ٢ بۆ ٤ی بەیانیدا هەڵیانکوتاوەتە سەر ماڵی ١٦ شارۆمەندی کورد کە لە دەماوەند نیشتەجێن و دەستیان بە سەر کەلوپەلی کەسیاندا گرتووە و کەشی ترس و تۆقاندنیان لە نێو ئەندامانی بنەماڵەکاندا دروست کردووە.
ناسنامەی ئەو شارۆمەندانەی هەڵکوتراوەتە سەر ماڵەکانیان بەم شێوەیەی خوارەوەیە:
۱. سەعید حەیدەرزاده
۲. عیسا خادمی
۳. مەهدی قاسمی
۴. لوقمان قاسمی
۵. شاهۆ قاسمی
۶. کەیوان قاسمی
۷. فەرزین ڕوستەمی
۸. بێهزاد ڕوستەمی
۹. فەرزاد ڕوستەمی
۱۰. فەرزاد شەریفی
۱۱. ئێقباڵ مورادی‌زەر
۱۲. جەلال محەمەدی
۱۳. فەرشاد مەلەک‌دۆخت
۱۴. جەمیل سفیدی
۱۵. شاپور حەبیبی
۱۶. فاتح مەحمودی
بە پێی ئەم ڕاپۆرتە، لە جەریانی ئەم هەڵمەتانەدا هێزە ئەمنییەکان دەستیان بەسەر مۆبایل و لاپتۆپ و کەلوپەلی شەخسی دیکەی ئەم شارۆمەندانە گرتووە، ئەمەش کەشێکی ئەمنی و نیگەرانییەکی زیاتری لای بنەماڵەکان دروستکردووە.
هەروەها سەرجەمی ئەم کەسانە لە چەند مانگی ڕابردوودا چەندین جار بانگهێشتی ئیدارەی ئیتلاعات کراون و لە نێوان ١٢ بۆ ١٦ کاژێردا لێپرسینەوەی درێژخایەنیان لەگەڵ کراوە.
بەگوێرەی زانیاری سەرچاوەکانی هانا، بارودۆخی فەرزاد ڕوستەمی نیگەرانکەر ڕاگەیندراوە ئەو ماوەی نزیکەی چوار مانگە بە بەردەوامی لەلایەن ئیدارەی ئیتلاعاتەوە بانگ دەکرێت و نزیکەی دوو مانگە لە ژووری تاکەکەسیدا ڕاگیراوە و لە ئێستادا بەبێ یەکلاکردنەوەی دادوەری لە دەستبەسەریدا ڕاگیراوە.
شایانی باسە، سەرەڕای تێپەڕبوونی زیاتر لە چوار مانگ بەسەر دەسپێکی ئەم گوشارە ئەمنییانە، هیچکام لەو شارۆمەندانە ڕێگەیان پێنادرێت تاران بەجێبهێڵن و کەلوپەلی شەخسی دەستبەسەرداگیراویان هێشتا لە دەستی هێزە ئیتلاعاتییەکاندایە.