بە پێی ڕاپۆرتی گەیشتوو بە ڕێکخراوی مافی مرۆڤی هانا: ڕۆژی چوارشەممە ٥ی خەرمانانی ۱۴۰۴ (۲۷ی ئاگۆستی ۲۰۲۵)، شارۆمەندێکی کورد بە ناوی “پەیمان نادریان” ۲۲ ساڵه، کوڕی مەحمود و خەڵکی ئاوایی “دەرەناخێ”ی سەر بە شاری مەریوان، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
بە پێی ئەم ڕاپۆرتە، دەستبەسەرکرانی ناوبراو لە کاژێرەکانی سەرلە بەیانی ڕۆژی چوارشەممە بە بەکار هێنانی توندوتیژی ئەنجام دراوە و مۆبایلەکەی لە لایەن هێزە ئەمنییەکانەوە دەستی بەسەردا گیراوە.
شایانی باسە، سەرەڕای بەدواداچوونی بەردەوامی بنەماڵەکەی، تا ساتی بڵاو بوونەوەی ئەم هەواڵە هیچ زانیاریەک لە سەر هۆکاری دەستبەسەرکران و شوێنی ڕاگیرانی پەیمان نادریان لە بەردەستدا نییە.