بە پێی ڕاپۆرتی گەیشتوو بە رێکخراوی مافی مرۆڤی هانا: ئیلهام نادری مۆنفەرێد تەمەن ٣٢ ساڵ، کچی ناسر، خەڵکی نۆدشە و دانیشتوویی مەریوان، لە لایەن دادگای شۆڕشی ئەم شارەوە بە سەرۆکایەتی قازی”ئێحسان رۆحی چیانە” بە تۆمەتی “پڕوپاگەندە لە دژی حکومەت” سزای دوو ساڵ زیندانی بە سەردا سەپێندراوە.
بە گوێرەی زانیاریەکانی هانا؛ لە کۆیی گشتی ئەم سزایە، بیست و یەک مانگ و نیوی هەڵپەسێردراوە و دوو مانگ و نیوی بە شێوەی تەعزیریە و جێبەجێ دەکرێت.
شایانی باسە، ناوبراو دوابەدوای شەڕی ١٢ ڕۆژەی ئێران و ئیسرائیل بە هۆکاری بڵاو کردنەوەی ئیستۆری لە تۆڕە کۆمەڵایەتیەکان، لە لایەن ئیدارەی ئیتڵاعاتی مەریوانەوە بانگ کرا و ڕووبەڕووی تۆمەتی ئەمنیەتی کرایەوە.