هانا : سەر لە بەیانی ڕۆژی سێشەممە “٤ی بەفرانباری ١٤٠٣” سزای سێدارەی بەندکراوێک بە ناوی “عەلی رەحمخانی” خەڵکی ئاوایی “دەرمرە”ی سەر بە قەزای “شاهینوەند”ی شاری “چگینی” لە بەندیخانەی ناوەندی نەهاوەند جێبەجێ کرا .
بە پێی ئەو ڕاپۆرتانەی بە دەستمان گەیشتوون ؛ عەلی رەحمخانی ، پێشتر بە تۆمەتی تاوانەکانی پەیوەست بە “مادە هۆشبەرەکان” دەستبەسەر و دواتر لە لایەن دەسەڵاتی دادوەری کۆماری ئیسلامی ئێرانەوە سزای سێدارەی بە سەردا سەپنێرابوو .
هەروەها سەر لە بەیانی ڕۆژی پێنج شەممە “٢٩ی سەرماوەزی ١٤٠٣” سزای سێدارەی بەندکراوێک بە ناوی “ڕامین کەبیری” کوڕی سەمەد و خەڵکی شاری “شاین دژ” کە چوار ساڵ لەمەوبەر بە تۆمەتی “کوشتی بە ئانقەست” سزای سێدارەی بە سەردا سەپێنرابوو ، لە بەندیخانەی ناوەندی میاندواو جێبەجێ کراوە .