بەپێی ئەو ڕاپۆرتانەی بە ڕێکخراوی مافی مرۆڤی هانا گەیشتوون، ڕۆژی دووشەممە ۲۷ی ڕەزبەری ۱۴۰۵، خوێندکارێک بە ناوی دیاری عەبدی تەمەن ۱۷ ساڵ و خەڵکی سنە،لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
بەپێی زانیارییەکانی هانا، دەستبەسەرکردنی دیاری عەبدی لە نزیک پردی مەردۆخی سنە و بە شێوەی سەرەڕۆیانە ئەنجام دراوە.
تا کاتی بڵاوبوونەوەی ئەم ڕاپۆرتە،هیچ زانیارییەکی ورد لەسەر هۆکارەکانی دەستبەسەرکردن،لایەنی دەستبەسەرکەر و ئەو تۆمەتانەی ئاراستەی ئەم هاووڵاتییە کراون لەبەر دەستدا نییە.