بە پێی ڕاپۆرتی گەیشتوو بە رێکخراوی مافی مرۆڤی هانا: عەزیزە مورادیان تەمەن ٥٠ ساڵ، خەڵکی ئاوایی تەنگیسەری سەر بە شاری سنە و دانیشتوویی شاری مەریوان. لە ڕۆژی دووشەممە ١ی بەفرانباری ١٤٠٤ەوە لە ناڕەزایەتی بەرامبەر بەردەوامی دەستبەسەری و دەستڕانەگەیشتنی بە خزمەتگوزاری دەرمانی پێویست، لە کانونی ئیسڵاح و تەربیەتی سنە مانی لە خواردن گرتووە.
بە گوتەی سەرچاوەیەکی هانا، ئەم بەندکراوەیە نەخۆشی مەعیدەی هەیە و پێش دەستبەسەر کرانی پێویستی بە چاوەدێری پزیشکی بووە، بەڵام لە کاتی دەستبەسەر کرانیەوە تا ئێستا بەرپرسانی کانونی ئیسڵاح و تەربیەتی سنە هیچ هەوڵێکی کاریگەریان بۆ دەرمان یا ڕاگوێزانی ئەو بۆ نەخۆشخانە ئەنجام نەداوە.
سەرچاوەکەی هانا زیادی کرد، بارودۆخی جەستەیی ئەم بەندکراوەیە، لە ڕۆژانی ڕابردوودا ڕوو لە خراپیە و بەردەوامی مانگرتن و پێڕانەگەیشتنی پزیشکی دەتوانێت تەندروستنی و گیانی ئەو بخاتە بەردەم مەترسیەوە.
شایانی باسە عەزیزە مورادیان بەیانی ڕۆژی دووشەممە ١٠ی سەرماوەزی ١٤٠٤، لە لایەن هێزە ئەمنییەکانەوە بە شێوەی سەرەڕۆیانە لە شوێنی کارەکەی دەستبەسەر کرابوو.