بەپێی هەواڵی گەیشتوو بە ڕێکخراوی مافی مرۆڤی هانا، ئێوارەی ڕۆژی پێنجشەممە ٦ی خاکەلێوەی ١٤٠٥، هاووڵاتییەک بە ناوی “کیانوش عادڵپوور” تەمەن ٣٥ ساڵ، خەڵکی سەقز، لەلایەن هێزەکانی ئیدارەی ئیتلاعاتەوە دەستبەسەر و بۆ شوێنێکی نادیار ڕاگوێزرا.
بەپێی ئەو زانیارییانەی دەستی هانا کەوتووە، هێزەکانی ئیدارەی ئیتلاعات هەڵیانکوتاوەتە سەر ماڵی ئەو هاووڵاتییە و دەستگیریان کردووە. لەکاتی پشکنینی ماڵەکەدا، دەستیان بەسەر کەلوپەلی تایبەتی خێزانەکەدا گرتووە، لەنێویاندا مۆبایلی هاوسەر و منداڵەکانی.
تا کاتی نووسینی ئەم هەواڵە هیچ زانیارییەک لە بارەی شوێن و دۆخی ئێستای ئەم هاووڵاتییە کوردە لەبەردەستدا نییە.