بە پێی ڕاپۆرتی گەیشتوو بە رێکخراوی مافی مرۆڤی هانا: ڕۆژی چوارشەممە ٢٢ی ڕێبەندانی ١٤٠٤، شارۆمەندێکی کورد بە ناوی کاوە ئەفشاری خەڵکی شاری مەهاباد، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.
بە پێی ئەم ڕاپۆرتە، ناوبراو بە شێوەی سەرەڕۆیانە و بە بەکارهێنانی توندوتیژی لە شوێنی کارەکەی لە لایەن هێزێکی ئەمنییەوە دەستبەسەر کراوە.
شایانی باسە، تا ساتی بڵاو بوونەوەی ئەم هەواڵە لە سەر هۆکاری دەستبەسەرکران و شوێنی ڕاگیرانی ئەم شارۆمەندە هیچ جۆرە زانیاریەک لە بەردەستدا نیە.