هانا: رۆژی یەکشەممە ٢١ی سەرماوەزی ١٤٠٠ – (١٢ی دیسەمبری ٢٠٢١)، شارۆمەندێکی کورد لەلایەن هێزەکانی ئیتلاعاتی حکومەتی ئیسلامی ئێرانەوە لە مەریوان دەستبەسەر کراوە.
هاوکارانی هانا لە راپۆرتێکدا رایانگەیاند، ناسنامەی ئەم شارۆمەندە کوردە "جەمشید رەزایی" تەمەن ٢٥ ساڵ و خەڵکی ئاوایی "هەلیزاوا" لە ناوچەی مەریوانە.
بەپێی ئەم راپۆرتە، ناوبراو لەلایەن هێزەکانی ئیتلاعاتەوە بە بێ بەڵگە و بڕیاری یاسایی لە مەریوان دەستبەسەر کراوە و بۆ گرتووخانەی ئەمنییەتی ئەو ناوەندە گوازراوەتەوە.