جەوهەر فەتاحی، شارۆمەندی تەمەن ٦٠ ساڵ خەڵکی شاری جەوانڕۆ، لە ڕێکەوتی ۳۰ خەزەڵوەری ١٤٠١، لە کاتی ناڕەزایەتیە سەرتاسەریەکان دژی قەتڵی حکومەتی ژینا ئەمینی لە مەیدانی فەڵەستین لە جوانڕۆ لە کاتی هەوڵدان بۆ ڕزگارکردنی کچە بریندارەکەی لە نێوان فیشەکەکان ، بە تەقەی ڕاستەوخۆ لەلایەن هێزە سەرکوتگەرەکانی کۆماری ئیسلامی ئێرانەوە بە دەمانچە تەقەی لێکرا و کوژرا.
بەهۆی بوونی هێزە سەرکوتگەرەکان و قەدەغەکردنی جموجۆڵەوە جەوهەر فەتاحی نزیکەی کاتژمێرێک لە ماڵی شارۆمەندێکدا ڕاگیرا. دوای ئەوەی درەنگ گواسترایەوە بۆ نەخۆشخانە، بەهۆی خوێنبەربوونی زۆر و کەمی خوێنەوە گیانی لەدەستدا.
جەوهەر فەتاحی خێزاندار و باوکی پێنج منداڵ بوو