بە پشتبەستن به ڕاپۆرتی هاوکارانی هانا؛ بەرەبەیانی ڕۆژی چوارشەممە”١٠ی مەی۲۰۲۳، حوکمی ئێعدامی بەندکراوێک لە زیندانی دیزڵ ئاوای کرماشان جێ بەجێ کرا.
هاوکارانی هانا ناوی ئەم هاووڵاتییەیان "محەممەد صابر پەیامیان"، ۳۴ساڵە ، کوڕی عەلی شێر و خەڵکی ئیسلام ئاوای غەرب ڕاگەیاند.
بە پێی ئەم ڕاپۆرتە؛ناوبراو ساڵی ڕابردوو بە تۆمەتی "کوشتنی بە ئەنقەست" دەستبەسەر و لەلایەن دەزگای قەزایی کۆماری ئیسلامییەوە حوکمی لەسێدارەدانی بەسەردا سەپێندرا.
تا ساتی بڵاوکردنەوەی ئەم هەواڵە لەسێدارەدانی ئەم زیندانییە لەلایەن میدیاکانی ناوخۆی ئێرانەوە ڕانەگەیەندراوە.