هاوکارانی رێکخراوی مافی مرۆڤی هانا لە شاری مەریوان هەواڵی دەستبەسەر کردنی شارۆمەندێکیان بە ناوی “سۆران سەحرا گەرد”یان لە لایەن هێزەکانی ئیدارەی ئیتڵاعاتەوە پێ راگەیاندین .
بە پێی ئەو راپۆرتانەی گەیشتوونەتە دەستمان ؛ رۆژی سێشەممە "٢٤ ئۆکتۆبری ٢٠٢٣" هێزێکی زۆری ئیدارەی ئیتڵاعات بێ حوکمی دادگا هێرشیان کردووتە سەر دوکانی سۆران سەحراگەرد شارۆمەندی خەڵکی مەریوان و بە لێدان دەستبەسەریان کردووە و بۆ شوێنێکی نادیاریان گواستووەتەوە .
تا ساتی بڵاو کردنەوەی ئەم هەواڵە زانیاریەک سەبارەت بە هۆکاری دەستبەسەر کردن و تۆمەتە وەپاڵدراوەکان دژی ئەم شارۆمەندە بەردەست نیە .