بەپێی ڕاپۆرتی هانا و سەرچاوەی هەواڵدەریی حاڵ وەش لە بەلوچستان،ڕۆژی یەکشەممە”۱۴ی مەی۲۰۲۳” دوو گەنجی تەمەن ١٩ ساڵ خەڵکی شاری فنوج بە ناوەکانی “نیما جەوادی فەڕ” کوڕی محەممەد و عەبدول سەتار ڕەئیسی لەلایەن هێزەکانی ئیتلاعاتی ئەو شارە دەستبەسەر کراون .
بە پێی ئەم ڕاپۆرتە؛ ئەم دوو هاووڵاتییە گەنجە بە بێ بەڵگەیی یاسای دادگا لەلایەن هێزەکانی ئیتلاعاتەوە لە ماڵەکانیاندا دەستگیر کراون و بۆ شوێنێکی نادیار گواستراونەوە.
تا ئێستا هەوڵی کەسوکاری ئەو دوو هاووڵاتییە بۆ زانینی چارەنووسی منداڵەکانیان سەرکەوتوو نەبووە.