بە پشتبەستن بەو ڕاپۆتانەی بە هاوکارانی هانا گەشتوە ؛ ڕۆژی چوارشەممە ٣١ی مەی ۲۰۲۳”۱۸ ساڵە خەڵکی شاری مەهاباد لە لایەن هێزەکانی ئیتلاعاتی سپای پاسدارانی دەستبەسەر کرا.
هاوکارانی هانا ناوی ئەم هاووڵاتییەیان بە "کاویان مەولودی"، تەمەن ١٨ ساڵ، کوڕی عومەر و خەڵکی شاری مەهابادیان ڕاگەیاند.
سەرچاوەیەکی ئاگادار لە گفتوگۆیەکدا لەگەڵ هانا زیادی کرد؛ کاویان مەولودی ئامۆزای شەهید #سمکۆ_مولودی دوای گەڕانەوەی لە سەر گڵکۆی ناوبراو لە ڕێگای بوکان لەلایەن هێزەکانی ئیتلاعاتی سوپای پاسداران دەستگیرکرا.
هەروەها ئەم سەرچاوەیە زیادی کرد: پاش بەدواداچوون بۆ بنەماڵەی کاویان مەولوودی لەبارەی بارودۆخی کوڕەکەیان، ئاگادار کرانەوە کە بە هۆی سەردانی زۆر بۆ سەر گۆڕی سمکۆ مولوودی ئامۆزاکەی، دەستبەسەر و بۆ زیندانی ناوەندیی مەهاباد گوازراوەتەوە.