بەپێی ڕاپۆرتی گەیشتوو بە رێکخراوی مافی مرۆڤی هانا : تووماج ساڵحی بە دانانی بارمتە لە زیندانی دەستگردی ئەسفەهان ئازاد کراوە .
تووماج ساڵحی تەمەن ٣٢ ساڵ ، رێکەوتی ٨ی ئابانی ساڵی ڕابردوو هاوکات لەگەڵ شۆڕشی ژن ، ژیان ، ئازادی لە لایەن هێزە ئەمنیەکانەوە لە ئاوایی گەرد بیشەی پارێزگای چوارمەحاڵ و بەختیاری دەستبەسەر کرا .
ناوبراو ڕایگەیاندووە لە کاتی دەستبەسەر کرانیدا چەندین جار ئەشکەنجە کراوە و لە سەرجەم مافەکانی بێبەش کراوە .