بە گوێرەی ڕاپۆرتی هاوکارانی هانا : زیاتر لە چواردە ڕۆژە “ڕێبوار یاسەمەنی” تەمەن ٤٠ ساڵ و خەڵکی نەغەدە دەستبەسەر کراوە بەڵام تا ئێستا هیچ جۆرە زانیاریەک سەبارەت بە دۆخ و شوێنی ڕاگرتنی ئەم شارۆمەندە بەردەست نیە .
ڕێبوار یاسەمەنی تەمەن ٤٠ ساڵ خێزاندار ، باوکی منداڵێک و خەڵکی شاری نەغەدەیە .
ڕۆژی شەممە "٦ی گەلاوێژی ١٤٠٣" هێزە ئەمنییەکان بەبێ پێدانی حوکمی دادگا هەڵیانکوتاوەتە سەر ماڵی ئەم شارۆمەندە کوردە و لەگەڵ لێدان دەستبەسەر و بۆ شوێنێکی نادیاریان بردووە .
هێزە ئەمنییەکان پاش دەستبەسەر کردنی ئەم شارۆمەندە ماڵەکەیان پشکنیوە و دەستیان بە سەر مۆبایل و لاپتۆپەکەیدا گرتووە و لەگەڵ خۆیان بردوویانە .
تا ئێستا بەدواداچوونی کەسوکاری ئەم شارۆمەندە کوردە بۆ زانینی چارەنوس و شوێنی منداڵەکەیان بێ ئەنجام بووە و ئەمەش نیگەرانی کەسوکارەکەی لێکەوتووەتەوە .