بە پێی ڕاپۆرتی گەیشتوو، زیندانییەکی پێشوو سیاسی خەڵکی ئیوانغەربی ئیلام بە ناوی خەدیجە مەهدوی پوور لە لایەن دادگای ئینقلابی ئیلامەوە حوکمی ٣ مانگ و یەک ڕۆژ بەندکرانی بەسەردا سەپاوە.
ناوبراو لەلایەن لقی ١٠٣ی تاوانەکانی دادسەرای گشتی و ئینقلابی ئیلام بە تۆمەتی "بڵاوکردنەوەی درۆ لەسەر پەیجی شەخسی سوشیال میدیا بەمەبەستی تێکدانی ئاسایشی بیروڕای گشتی " بە ٣ مانگ و یەک ڕۆژ بەندکران مەحکووم کراوە.
خەدیجە مەهدەوی پوور لە دایکبوی ساڵی ١٣٦٥ کچی جەعفەر خەڵکی ئیوانغەربی ئیلامە کە بەهەمان شێوە چەندین جار بە تۆمەتی چالاکی سیاسی دەستبەسەر و زیندانی کراوە.