هانا : شەوی هەینی “٤ی رەشەمەی ١٤٠٢” کۆڵبەرێک بە ناوی “یاسین فەلاحی” خەڵکی ئاوایی “وشکەلان”ی مەریوان ، لە کاتی کۆڵبەری بە هۆی ڕاوەدوونانی هێزەنیزامییەکان لە سنووری نەوسوود لە بەرزاییەکانی ئەم سنوورە کەوتووەتە خوارەوە و بریندار بووە .
بە پێی ڕاپۆرتی گەیشتوو ؛ ناوبراو لە ئاکامی کەوتنەخوارەوە لە بەرزاییەکانی سنووری نەوسوود قاچی لای چەپی بریندار بووە و (تاندۆن) ڕەفیسکەی قاچی چەپی دڕاوە و بۆ وەرگرتنی چارەسەری پزیشکی بۆ بنکەکانی تەندروستی ڕاگوێزراوە .