بە پێی ڕاپۆرتی گەیشتوو بە هانا : شەوی سێشەممە “٢٢ی جۆزەردانی ١٤٠٣” لە ئاکامی تەقەی هێزەنیزامییەکان لە کۆمەڵێک کۆڵبەر لە سنووری سەرتەزێنی بانە کۆڵبەرێک بریندار بووە .
ناسنامەی ئەم کۆڵبەرە بۆ رێکخراوی مافی مرۆڤی هانا "ئارمان حسێنی" تەمەن ٢٦ ساڵ و خەڵکی سەقز پشتڕاست کراوەتەوە .
بە وتەی سەرچاوەیەک ، ئەم کۆڵبەرە بە هۆی قورسی برینەکانیەوە بۆ نەخۆشخانەیەک لە تەورێز ڕاگوێزراوە .
هەروەها شەوی دووشەممە "٢١ی جۆزەردانی ١٤٠٣" دوو کۆڵبەر لە سنووری تەتەی هەورامان کەوتنە بۆسەی هێزە نیزامییەکانەوە و بە هۆی لێدان و ئەشکەنجە کرانەوە بە قورسی بریندار بوون .
هاوکارانی هانا ناسنامەی یەکێک لە کۆڵبەرەکانیان "شادمان پایا" خەڵکی ئاوایی هەڵویزاوا لە ناوچەی کۆماسی مەریوان ، پشتڕاست کردەوە .
بە وتەی سەرچاوەیەک هێزە نیزامییەکان بە شەق و باتۆنی کارەبایی لەم دوو کۆڵبەرەیان داوە .
ناسنامەی کۆڵبەرەکەی دیکە لە لایەن هاوکارانی هاناوە کاری لە سەر دەکرێت .