هانا: بەپێی هەواڵێک کە بڵاوبۆتەوە، ئەمڕۆ هەینی ١٤ی جۆزەردانی ١٤٠٠ بەرامبەر بە ٤ی ژوئەنی ٢٠٢١، لە رووداوێکی هاتوچۆدا ١٥ کەس لە چالاکانی ژینگەپارێز و ئەندامی ئەنجومەنەکانی سەوزی چیا و پاژینی بانە گیانیان لەدەستداوە یا بریندار بوون.
ئەندامانی گوروپی شاخەوانی ئەنجومەنی سەوزی چیا بە مەبەستی شاخەوانی لەگەڵ گوروپی شاخەوانی ئەنجومەنی ژینگەپارێزی پاژینی بانە، بەرەوە بانە وەڕێکەوتبوون. بەداخەوە لە نزیک سەقز تووشی رووداوی هاتوچۆ بوون و چوار کەس لە ئەندامانی ئەنجومەنی سەوزی چیا بەم ناوانەی خوارەوە گیانیان لەدەستداوە.
١- شوعلە قادری
٢- ئارشام عەزیزی
٣- داود باخیش
٤- کاوە خوسرەوزادە