بەپێی هەواڵی گەیشتوو بە ڕێکخراوی مافی مرۆڤی هانا: بەرەبەیانی ڕۆژی پێنجشەممە ٢٧ی ئاوریلی ٢٠٢٣، هاووڵاتییەکی گەنج بە ناوی “محەممەد ئەمین (هۆجام) ئاشنا”، کوڕی ڕەسووڵ و خەڵکی مەهاباد،وەستای بیناسازی لە بەندەر عەباس،بە هۆی نەبوونی کەرەستەی ئیمەنی شوێنی کار کەوتنە خوارەوە، بەو هۆیەوە گیانی لەدەستدا.
سەرپەرشتی نەکردنی دروست لە لایەن دەسەڵاتەوە لە سەر شێوازی کار و دۆخی سەلامەتی کرێکاران و هەروەها نابەرپرسیارێتی خاوەنکارەکان، یەکێک لە هۆکارە سەرەکییەکانی نەبوونی ئەمنیەتی کارە و ئەم دۆخە وایکردووە ئێران پلەی 102 لە جیهاندا لە ڕووی ئاسایشی کارەوە، و وڵاتێکی نائارامە بۆ کرێکاران بێت.