هاوکارانی هانا لەئیلام ڕایانگەیاند کە ڕۆژی سێشەممە ١٠ی ئوتی ٢٠٢١ دوابەدوای بانگکردنێک بۆ جێبەجێکردنی حوکمەکانی دادگای شۆڕشی ئەسفەهان دکتۆر ناسر هێمەتی خەڵکی ئابدانانی ئیلام و دانیشتووی شاری ئیسفەهان، پسپۆڕی دەروونی و نووسەر و وەرگێڕ و شاعیر و چالاکوانی کۆمەڵگەی مەدەنی دەستگیرکرا و گواستراوە بۆ زیندانی دەستیگردی ئەسفەهان.
بەپێی کەناڵی تەلگرامی ناسر هێمەتی و هەروەها ئەوەی لە بلاگ و تویتەر نوسیویەتی، کەسێکی ڕەخنەگر بوو کە بە ناسنامەی ڕاستەقینەوە ڕەخنەی لە سیاسەت و کۆمەڵگا گرت
لەگەڵ ئەوەشدا حکومەت و سیستمی ئەمنی ئەو جۆرە ڕەخنەانەیان بە هەڕەشە بۆ سەر ئاسایشی نەتەوەیی و سوکایەتیکردن بە دەسەڵاتدارانی کۆماری ئیسلامی زانیوە و بە تاوانباری لە زینداندا پێناسەیان کردووە و بە پێی ئەو بەڵگەنامەیەی کە نێردراوە سزای سێ ساڵ زیندانیان بەسەردا سەپاند.
دکتۆر هێمەتی لە کارو پیشەیی پزیشکیدا مامەڵەی لەگەڵ گروپە کۆمەڵایەتییە لاوازەکان کرد و ئەزموونێکی بەنرخی هەبوو لە مامەڵەکردن لەگەڵ کێشە کۆمەڵایەتییەکانی ژنان و منداڵان و چین و توێژە لاوازەکانی ناو کۆمەڵگا بو. چەندین وتار و نووسینی لەسەر خۆکوشتن و ئالوودەبوون و ناڕێکی دەروونی بڵاوکردۆتەوە