رۆژی یەکشەممە ١٠ی رەشەمە بەرامبەر بە ٢٨ی فێبرواری ٢٠٢١، خانەنشینانی رێکخراوی دابینکردنی کۆمەڵایەتی لە سنە هاوکات لەگەڵ ناڕەزایەتی سەراسەری خانەنشینانی ئێران دەستیان دایە کۆبوونەوەی ناڕەزایەتی.
ئەو گردبوونەوەیە لە بەرامبەر بینای دابینکردنی کۆمەڵایەتی لە سنە بەڕێوەچوو. بەشداربووان بە بەرزکردنەوە و وتنەوەی دروشمەکانیان، خوازیاری بردنەسەری هەقدەستەکانیان پێبەپێی چوونە سەری نرخی کەلوپەلەکان و هەروەها وەڵامدانەوە بە باقی داواکارییەکانیان بوون.