هانا: رۆژی شەممە ٢٠ی سەرماوەزی ١٤٠٠ – (١١ی دیسەمبری ٢٠٢١)، کرێکارێک لە کاتی کار کردندا بە هۆی رووداوی شوێنی کارەوە گیانی لەدەستداوە.
هاوکارانی هانا لە راپۆرتێکدا رایانگەیاند ناوی ئەم شارۆمەندە کوردە "سوهەیب رەهبەری" تەمەن ٣٠ ساڵ و خەڵکی ئاوایی "هەجیج" لە ناوچەی پاوەیە.
بەپێی ئەم راپۆرتە، ناوبراو لە کاتی کار کردندا لە "بەرد شکێنی وەرا" لە پاوە بە هۆی رووداوی کارەوە کەوتووەتە ناو یەکێک لە دەزگاکانی بەرد شکاندنەوە و لە ئاکامدا گیانی لەدەستداوە.