هانا: لە یەکێک لە ناوەندەکانی خزمەتگوزاری خاوەنپێداویستییە تایبەتەکان لە ورمێ، لەلایەن کەسێکەوە دەسدرێژی کراوەتە سەر ٣ کچی خاوەنپێداویستی تایبەت.
لە ناوەڕاستی ساڵی رابردوودا یەکێک لە فەرمانبەرانی ئەو ناوەندە دەستدرێژی کردووەتە سەر ٣ کچ و تا ئێستا هیچ وردەکاری و زانیارییەکی زیاتر لەم بارەوە لەلایەن پارێزەری گشتی و بەرپرسانی ناوەندە خزمەتگوزارییەکان رانەگەیەندراوە.
سەرپەرستی گشتی تەندروستی و خزمەتگوزارییەکانی پارێزگای ورمێ، لەم بارەوە رایگەیاند، ئەم پەڕاوە لە ساڵی رابردووەوە لە ئارادایە و کراوەیە، تاوانبار ئازادە و هێشتا هیچ سزایەکی پێ رانەگەیەندراوە.