بەپێی راپۆرتی هاوکارانی رێکخراوی مافی مرۆڤی “هانا”، کاتژمێر ١٠ی بەیانی رۆژی یەکشەممە ١١ی گوڵانی ١٤٠١ – (١ی مەی ٢٠٢٢)، کاروانێکی کۆڵبەران لە سەر سنووری نەوسوود کەوتە بەر هێرش و دەسڕێژی هێزە چەکدارەکانی حکومەتی ئیسلامی ئێران و لە ئاکامدا دوو کۆڵبەر بریندار بوون.
بەپێی ئەم راپۆرتە، ناوی ئەو کۆڵبەرانە بەم جۆرەیە: "زانکۆ خوسرەوی" تەمەن ١٩ ساڵ و "ئومید حەبیبی" تەمەن ٢٧ ساڵ و هەرکیان خەڵکی رەوانسەرن. شایانی باسە ئەم دوو کۆڵبەرە بریندارە بۆ چارەسەرکردنی برینەکانیان رەوانەی نەخۆشخانەی پاوە کراون.