هانا؛ ئەمڕۆ ئەیوب حەدیسی دوای زیاتر لە ٧٠ ڕۆژ لە دەستبەسەرکردن بە شێوەیەکی کاتی لەلایەن ئیتلاعاتی سپای پاسداران لە زیندانی نەغەدە و بە کەفالەتی یەک میلیارد و ٥٠٠ ملیۆن تمەنی تا کاتی دادگایی ئازاد کرا.
ئەم چالاکوانەی ژینگەی خەڵکی پیرانشار لە ٢٩ی ژانویەی ٢٠٢٢ بە شێوەیەکی خۆسەرانە لەلایەن هەواڵگریی سوپای پاسدارانەوە دەستگیرکرا و گوازرایەوە بۆ ناوەندە ئەمنییەکانی شاریورمێ.
ناوبراو لە ماوەی دەستبەسەربوونیدا لە مافی پارێزەر و سەردان بێبەش بووە. هەروەها لەتۆمەتی سەر ئەو هاووڵاتییە کوردەوە تا ئەم کاتە هیچ زانیارییەکی ورد و دروست لەبەردەستدا نییە.